منتديات ابوحجر الشامله

اهلا ومرحبا بك عزيزي الزائر,,,
التسجيل مجاني,,
او سجل دخوللك ,,
ونتمني لكم قضاء امتع الاوقات....
مع تحيات الاداره,,,



    مصربلد الامن والامان هههههه

    شاطر
    avatar
    شريف
    عضو متالق
    عضو متالق

    ذكر عدد الرسائل : 107

    المكان : cairo
    تاريخ التسجيل : 15/08/2007

    GMT + 3 Hours مصربلد الامن والامان هههههه

    مُساهمة من طرف شريف في الإثنين 03 سبتمبر 2007, 9:26 am

    بلدنا بلدنا بلدنا ايه صح في بلدنا ؟

    التعليم ــــــــــــــــــــــــــــ
    الصح اني اتخرج من حاسبات و معلومات بتقدير امتياز و اقعد في بيتنا
    ولا اخويا ينجح في االثانوي العام ب 97% و يدخل كلية خاصة عشان ملقاش كليه محترمة تاخدوا
    ولا طالب الطب اللي يتخرج بعد 6 سنين دراسة و سنة امتياز و 3 سنين جيش و زيهم مجاستير و بعد كده لو اتخصص طب بجد (يعني جراحة مخ أو قلب وبعد عن الاطفال و النسا يعني عايز يبقى دكتور بجد يلاقي ضعف إمكانيات و لو لقى إمكانيات يحتاج 20 او 25 سنة
    والدكتور البيطري اللي هو احد الاعمدة الرئيسية في التنمية الحيوانية بنطريق عليه و نقول دكتور البهايم و الله يعلم مين البهايم
    الصيدلة في مصر انا بقترح انهم يسمحوا للخريجي العلوم و اي خريج بيعرف يقرا إنجليزي يفتح صيدليه ماكلهم يدوروا اجدع صيدليه زي الفل بالعكس كلهم تجار يعني ممكن نفتح قسم في تجارة انجلش اسمه فارماسي
    ولا الثانوي العام واللي بيحصل في المناهج و الامتحانات تشجع و تنمي ثقافة الصم و تلغي العقول (يعني مثلا امتحان الفيزياء هذا العام مسخرة تافه بشكل مرضي و كمان بيحض عالحفظ و الدش و اقلب في الورقة و اخرج ابيض و النكتة تخرج علينا صحيفة واطية زي الجمهورية تقول الامتحان نار !!! مطلوب الامتحان يجي و معاه نكت !!!)

    يعني مثلا نلاقي طلاب بالكوم مقفلين الفيزياء و الرياضة و نبصلهم على اساس انهم امل مصر و هما اللي هينجدونا علماء الغد يعني و نلاقي بهايم طالعة مش عارفة الالف من كوز الدرة
    اللغات يعني ايه امتحان لغات من غير امتحان شفوي امال تبقى لغة ازاي و الكيمياء و الفيزياء مفيش فيها امتحانات عملي عادي take it easy امشي بمبدأ( اضرب في المعفن و قووووول طازاااااااااااااااا)



    السياسة ــــــــــــــــــــــــــــــــــــــــــــــــــــــــــــــ
    اخوكم و الحمد لله اتمسك في انتخابات الشعب اللي فاتت و اتحول عالنيابة ليه عشان جدتي كانت متوفية و دقني كانت طويلة شويه اتخدنا الساعة 2 و نص و افرج عنا الساعة 8 بعد ما الانتخابات خلصت
    احنا الشعب الوحيد اللي بيضرب على افاه فكل حته في الدنيا بلا تمن و دولتنا واقفه ساكتة و هتعمل ايه يعني لينا احنا المدنيين كانت عملت حاجة للعساكر اللي اضربوا على حدودنا الشرقية و السفير اللي اتخطف و اتقتل و الوزير اللي اضرب يعني العسكرين و الديبلوماسيين بيخدوا على افاهم امال احنا المدنين نروح فين
    وزير الزراعة خريج اقتصاد و مش بعيد تلاقي وزير الحربية خريج معهد حاسب آلي (ماتفهموش غلط احنا في عصر الحرب الإلكترونية)


    الحياة العامة ـــــــــــــــــــــــــــــــــــــــــــــــــــــــــــــــــــ

    اي ظابط ممكن يشتمك و يهينك و يمرمط و بأقذر الالفاظ يعني مثلا انا كنت خارج الساعة 2.5 بالليل جيه لطخ منهم بيقول بطايقكم خدها .. بعدين بيسأل انت خارجين الساعة دي بتعملوا ايه (كان معايا خطيبتي و أختي ) قلتله و انت مالك قالي امال مال مين يا ابن ال***** المهم اتصلت بعم خطيبتي (لواء شرطة) اتحول انا آسف يا باشا على الاإزعاج حضرتك اعذرني و اتغير الكلام

    النظافة كلمة مفقودة و قاموس حياتنا

    الرشوة بقيت اكتر من عادي ده بقى الغير عادي انك متدفعش رشوة

    الواسطة لو معاك واسطة ممكن تبقى طيار حتى لو كنت اعور

    السفالة و قلة الادب احنا شعب اخلاقه زبالة ... اللي بيحصل للستات و الشوارع و البهدلة اللي محدش مننا يرضاه لأهل بيته



    الحياة الدينية ـــــــــــــــــــــــــــــــــــــــــــــــــــــــــــــــــــــــ

    تخرج من صلاة الجمعة تلاقي عربية امن مركزي جنب المسجد على اساس ان المصليين متحزمين بالديناميت
    اخواتنا الاقباط بيقلوا انهم مضطهدين مع اننا لو امعنا النظر هنلاقي المواطن المصري هو اللي مضطهد يعني كلنا مع بعض جوا دايرة الاضطهاد
    لو ربيت دأنك تبقى ارهابي متوحش ولله في خلقه شئون

      الوقت/التاريخ الآن هو الأربعاء 26 سبتمبر 2018, 6:41 am