الصيد في السويس

السلام عليكم ورحمة الله وبركاته
الصيد بالسويس وما اروعه
الاماكن هي كبريت والعمدة والجمعية
مياه عزبه فروع صغيرة وكثيرة



الطريقة التنقل بين الادوارالطعم هو الدود البلدي والمسران والعجين
اكثر الاسماك انتشارا هو البياض واالبلطي (المحترم) والمبروكة والقرموط
العدة اللازمة اهم شى الجدالة والايس بوكس لان المشوار طويل ومحتاج انك تحفظ الطعم والسمك
اذا حبيت انك تركز غلي البياض فيجب ان تتنقل علي الادوار باسنمرار يعني مرة كل نصف ساعة
واذا حبيت تصاد بلطي لازم تحضر الادوار بمعني تزفر بالغلة وبعد كدة ترجع للدور تاني ويحبذ لو اتجهت للفرعيات الصغيرة اكثر
الصيد هناك ليلى ومحتاج انك توصل للمياه بعد العصر وحتى الصباح

خلي بالك وانت بتصاد ممكن يدخل عليك مبروكة وهناك المبروكة يا معلم بتاكل علي الطعم بليل
وعلي الفلة
افضل الاماكن هناك هي الجمعية لانها بها فرعيات كثيرة ومش عاوز اقولك البلطي فيها عامل ازاي وحوش وبياكل زي المنشار بليل وبنهار
جربوا وادعولي والي عاوز يجي معايا يقولي .
وشكرا

احمدابوحجر كتب:

موضوع جامد ياحماده
بس انتا مش شايف ان السويس بعيده عن القاهره
مع ان فيه ادوار جامده هتلاقيها ع النيل زي المريوطيه والفشن
وكلهم قريبين نوعا ما
بس زعلان منك عشان مجبتش صور السمك
مستنين الصور وربنا يرزقك ويباركلك في رزقك

يا باشا مشكور وعلى فكرة موضوع بعيد ده عادى بالنسبة للصيادين الصيادين بيروحوا اى مكان عشان يصطادو
وكمان انتظر منى موضوع جامد جدا جدا ان شاء الله يوم السبت بالصور والشرح للاماكن والسمك كمان انا طالع بكره الجمعة السويس برضو

ياريس شكلك صياد قديم
المهم تروح وترجع جايبلنا سمك
ومتعديش علي سوق العبور
عايزين نشوف السمك بتاع السويس
والنهارده الاتنين ولسه مفيش صور

طب انا مش من السويس يا ريت تشرح لى كيف اصل الى كبريت والعمدة والجمعية بس شرح مفسر علشان ممكن الاسماء دى تكون خاصة بصيادين السمك ولو سألت عليها حد تانى يمكن ما يعرفش يوصفها لى
يا ريت تكمل جميلك وتوصفها
واف الف الف شكر